கவிச்சோலை

கவிச்சோலையில் தமிழ் லெமூரியா ஆசிரியரின் சிறப்புரை

2012-01-06T17:58:00.003+08:00

சிங்கப்பூர்த் தமிழ் எழுத்தாளர் கழகம், பெக் கியோ சமுக மன்ற இந்திய நற்பணிச் செயற்குழுவுடன் இணைந்து‍ மாதந்தோறும் நடத்தும் கவிச்சோலை நாளை மறுநாள் ஞாயிற்று‍க்கிழமை நடைபெறவிருக்கிறது.

பெக் கி்யோ சமுக மன்றத்தில் 8-Jan-2012 ஞாயிறு‍ இரவு மணி 7.00க்குத் தொடங்கும் கவிச்சோலை நிகழ்ச்சியில் "தமிழ் லெமூரியா" இதழின் ஆசிரியர் திரு. குமணராசன் "புலம் பெயர் தமிழர்களின் மொழியும் இலக்கியமும்" எனும் தலைப்பில் சிறப்புரை ஆற்றுவார்.

இம்மாதக் கவிதைத் தலைப்பு "தமிழா, தமிழா". இந்தத் தலைப்பில் கவிதை எழுதி வருமாறு‍ கவிஞர்கள் கேட்டுக் கொள்ளப்படுகிறார்கள். சிறந்த மூன்று‍ கவிதை ஒவ்வொன்றுக்கும் 30 வெள்ளி பரிசு‍ வழங்கப்படும்.

வழக்கம்போல் வடித்த, பிடித்த, ரசித்த கவிதை அங்கமும் உண்டு.
கவிஞர்கள், இலக்கிய ஆர்வலர்கள், தமிழன்பர்கள் அனைவரும் நிகழ்ச்சியில் கலந்துகொள்ளும்படி‍ கேட்டுக் கொள்ளப்படுகிறார்கள். அனுமதி இலவசம்.

119 வது கவிச்சோலை

2011-12-09T14:11:00.001+08:00

118 ஆவது கவிச்சோலையில் கவியரங்கம்

2011-11-06T10:30:00.001+08:00

சிங்கப்பூர்த் தமிழ் எழுத்தாளர் கழகமும், பெக்கியோ சமூக மன்ற இந்தியர் நற்பணிச்செயற்குழுவும் மாதந்தோறும் இணைந்து படைக்கும் கவிச்சோலை ஞாயிற்றுக்கிழமை (6-11-2011) இரவு 6.30 மணிக்கு ஸ்ரீலயன் சித்தி விநாயகர் ஆலயக் கல்யாண மண்டபத்தில் நடைபெறும்.

பொற்கிழிக்கவிஞர் சோ.சோ.மீ. சுந்தரனார் தலைமையில்

" நாட்டுக்கு உழைத்திடுவோம் நாம்"

எனும் தலைப்பில் கவியரங்கம்.

மருத்துவர் - கவிஞர் மாதங்கி

வணிகர் - கவிஞர் வயிரவன்

கவிஞர் - நெப்போலியன்

ஆசிரியர் - கவிஞர் கோ. இளங்கோவன்

கலைஞர் - கவிஞர் கோவிந்தராசு

எழுத்தாளர் - அ. கி. வரதராசன்

போட்டிக் கவிதைத் தலைப்பு "பேராண்மை".

தேர்ந்தெடுக்கப்படும் சிறந்த மூன்று கவிதைகள் ஒவ்வொன்றுக்கும் சிங்கப்பூர்த் தமிழ் எழுத்தாளர் கழகம் வழங்கும் 30 வெள்ளி கிடைக்கும்.

அனுமதி இலவசம்...அனைவரும் வருக...

தொடர்புக்கு இராம. வயிரவன் 93860497, கோ. இளங்கோவன் 91012672.

117 வது கவிச்சோலை

2011-09-02T20:04:00.003+08:00

சிங்கப்பூர்த் தமிழ் எழுத்தாளர் கழகமும், பெக்கியோ சமூக மன்ற இந்தியர் நற்பணிச்செயற்குழுவும் மாதந்தோறும் இணைந்து படைக்கும் கவிச்சோலை சனிக்கிழமை (3-9-2011) பெக்கியோ சமுக மன்றத்தில் இரவு 7.00 மணிக்கு நடைபெறும்.

" சிலம்பும் நாட்டுப்புறப் பாடல்களும்" எனும் தலைப்பில் தமிழாசிரியர், கவிஞர் கோவி மாசிலாமணி சிறப்புரை ஆற்றுவார்.

படித்த, பிடித்த, வடித்த கவிதை அங்கமும் உண்டு.

போட்டிக் கவிதைத் தலைப்பு " ஏமாறாதெ! ஏமாற்றாதே!! ".

தேர்ந்தெடுக்கப்படும் சிறந்த மூன்று கவிதைகள் ஒவ்வொன்றுக்கும் சிங்கப்பூர்த் தமிழ் எழுத்தாளர் கழகம் வழங்கும் 30 வெள்ளி கிடைக்கும்.

அனுமதி இலவசம்...அனைவரும் வருக...

தொடர்புக்கு இராம. வயிரவன் 93860497, கோ. இளங்கோவன் 91012672,

கவிச்சோலை 116

2011-08-11T22:05:00.006+08:00

சிங்கப்பூர்த் தமிழ் எழுத்தாளர் கழகமும், பெக்கியோ சமூக மன்ற இந்தியர் நற்பணிச்செயற்குழுவும் மாதந்தோறும் இணைந்து படைக்கும் கவிச்சோலை சனிக்கிழமை (13-8-2011) பெக்கியோ சமுக மன்றத்தில் இரவு 7.00 மணிக்கு நடைபெறும்.

"நான் இரசித்த பாரதி" எனும் தலைப்பில் கவிஞர் அ. கி. வரதராசன் சிறப்புரை ஆற்றுவார்.

படித்த, பிடித்த, வடித்த கவிதை அங்கமும் உண்டு.

போட்டிக் கவிதைத் தலைப்பு "பொம்மலாட்டம் ".

தேர்ந்தெடுக்கப்படும் சிறந்த மூன்று கவிதைகள் ஒவ்வொன்றுக்கும் சிங்கப்பூர்த் தமிழ் எழுத்தாளர் கழகம் வழங்கும் 30 வெள்ளி கிடைக்கும்.

அனுமதி இலவசம்...அனைவரும் வருக...

தொடர்புக்கு இராம. வயிரவன் 93860497, கோ. இளங்கோவன் 91012672,

115 வது கவிச்சோலை (July-2011)

2011-07-09T13:02:00.003+08:00

சிங்கப்பூர்த் தமிழ் எழுத்தாளர் கழகமும், பெக்கியோ சமூக மன்ற இந்தியர் நற்பணிச்செயற்குழுவும் மாதந்தோறும் இணைந்து படைக்கும் கவிச்சோலை சனிக்கிழமை (9-7-2011) பெக்கியோ சமுக மன்றத்தில் இரவு 7.00 மணிக்கு நடைபெறும்.

அதில் "திருக்குறள் இன்பம்" எனும் தலைப்பில் கவிஞர் இறைமதியழகன் சிறப்புரை ஆற்றுவார்.

படித்த, பிடித்த, வடித்த கவிதை அங்கமும் உண்டு.

போட்டிக் கவிதைத் தலைப்பு "மரப்பாச்சி பொம்மைகள் ".

தேர்ந்தெடுக்கப்படும் சிறந்த மூன்று கவிதைகள் ஒவ்வொன்றுக்கும் சிங்கப்பூர்த் தமிழ் எழுத்தாளர் கழகம் வழங்கும் 30 வெள்ளி கிடைக்கும்.

அனுமதி இலவசம்...அனைவரும் வருக...

தொடர்புக்கு இராம. வயிரவன் 93860497, கோ. இளங்கோவன் 91012672,

கவிச்சோலையில் புலவர் பொன்னையா (ஜூன்)

2011-06-02T20:03:00.003+08:00

கவிச்சோலையில் புலவர் பொன்னையா
========================================

சிங்கப்பூர்த் தமிழ் எழுத்தாளர் கழகமும், பெக்கியோ சமூக மன்ற இந்தியர் நற்பணிச்செயற்குழுவும் மாதந்தோறும் இணைந்து படைக்கும் கவிச்சோலை நாளை சனிககிழமை (4-6-2011) பெக்கியோ சமுக மன்றத்தில் இரவு 7.00 மணிக்கு நடைபெறும்.

அதில் "வள்ளலாரும் தமிழ் இலக்கியமும்" எனும் தலைப்பில் புலவர் பொன்னையா சிறப்புரை ஆற்றுவார்.

படித்த, பிடித்த, வடித்த கவிதை அங்கமும் உண்டு.

இம்மாதப் போட்டிக் கவிதையின் தலைப்பு "கனவு காணும் காலங்கள் ".

தேர்ந்தெடுக்கப்படும் சிறந்த மூன்று கவிதைகள் ஒவ்வொன்றுக்கும் சிங்கப்பூர்த்தமிழ் எழுத்தாளர் கழகம் வழங்கும் 30 வெள்ளி கிடைக்கும்.

அனுமதி இலவசம்...அனைவரும் வருக...

தொடர்புக்கு இராம. வயிரவன் 93860497, கோ. இளங்கோவன் 91012672,

மே மாதக் கவிச்சோலை (113)

2011-05-11T21:10:00.005+08:00

மே மாதக் கவிச்சோலை (113)

சிங்கப்பூர்த் தமிழ் எழுத்தாளர்க் கழகமும்,பெக்கியோ சமூகமன்றத்தாரும் இணைந்துப் படைக்கும் கவிச்சோலை நிகழ்வு வரும் சனிக்கிழமை (14-05-2011) மாலை 7:00 மணிக்கு பெக்கியோ சமூகமன்றத்தில் நடக்கவுள்ளது..

நிகழ்வில் படித்த, பிடித்த,வடித்தக் கவிதைகள் அங்கமும்,
முனைவர் கௌசல்யா அவர்களின் ‘இலக்கியத்தில் பெண்ணியம்’ என்ற தலைப்பில் சிறப்பு உரையும் இடம்பெறும்.

இம்மாத போட்டிக் கவிதையின் தலைப்பு "விண்ணை முட்டும் விழுதுகள்".

அனுமதி இலவசம்,அனைவரும் வருக.

முத்தமிழ் விழா - 2011

2011-04-05T22:55:00.002+08:00

வரும் சனிக்கிழமை மாலை 6:00 மணிக்கு நடைபெற இருக்கும் முத்தமிழ் விழாவிற்கு அனைவரும் வருக! ஆதரவு தருக!!அழைப்பிதழ் இணைக்கப்பட்டுள்ளது. நன்றி. அன்புடன், வயிரவன்

கவிச்சோலையில் முனைவர் அ. முத்துசாமி

2011-03-03T19:31:00.003+08:00

சிங்கப்பூர்த் தமிழ் எழுத்தாளர் கழகமும், பெக்கியோ சமூக மன்ற இந்திய நற்பணிச்செயற்குழுவும் மாதந்தோறும் இணைந்து படைக்கும்
கவிச்சோலை- 112-ஆம் நிகழ்வு வரும்
சனிக்கிழமை (05-03-2011) பெக்கியோ சமுகமன்றத்தில் இரவு 7.30 மணிக்கு நடைபெறும்.
தமிழகத்தின் முனைவர் அ. முத்துசாமி "பழந்தமிழ் இலக்கியங்களில் உலகளாவிய சிந்தனைகள்" எனும் தலைப்பில் சிறப்புரை ஆற்றுவார்.

இம்மாதப் போட்டிக் கவிதையின் தலைப்பு "மாற்றத்தின் காற்று ".
தேர்ந்தெடுக்கப்படும் சிறந்த மூன்று கவிதைகள் ஒவ்வொன்றுக்கும் சிங்கப்பூர்த் தமிழ் எழுத்தாளர் கழகம் வழங்கும் 30 வெள்ளி கிடைக்கும்.
அனுமதி இலவசம்...அனைவரும் வருக...

தொடர்புக்கு ந.வீ. சத்தியமூர்த்தி 97187552 இராம. வயிரவன் 93860497,

பிப்ரவரி மாதக் கவிச்சோலை

2011-02-04T09:31:00.000+08:00

நாளை சனிக்கிழமை (5-FEB-2011) மாலை 7:00 மணிக்கு பிப்ரவரி மாதக் கவிச்சோலை வழக்கம் போல பெக் இயோ சமூக மன்றத்தில் நடைபெறுகிறது.

கவிக்கோ மதுகை ஞானச்செல்வன் அவர்கள் “எழுத்தும் பேச்சும்” என்கிற தலைப்பில் சிறப்புரை ஆற்றுகிறார்கள்.

போட்டிக்கவிதைத் தலைப்பு “முள் மகுடங்கள்”
சிறந்த மூன்று கவிதைகள் ஒவ்வொன்றும் $30 ரொக்கப் பரிசு உண்டு. அனைவரும் வருக. அனுமதி இலவசம்.

டிசெம்பர் மாதக்கவிச்சோலை

2010-12-03T22:30:00.003+08:00

கவிச்சோலை வரும் ஞாயிறு 5.12.2010 அன்று இரவு மணி 7.00க்கு நடைபெறும். எழுத்தாளர் கழகத் தலைவர் திரு. நா. ஆண்டியப்பன் "கலைஞரின் கவிதைகள்" எனும் தலைப்பில் உரையாற்றுவார்.

இம்மாதக் கவிதைத் தலைப்பு "காகிதக் கப்பல்கள்". சிறந்த மூன்று கவிதைகள் ஒவ்வொன்றும் $30 ரொக்கப் பரிசு உண்டு. அனைவரும் வருக. அனுமதி இலவசம்.

அக்டோபர் மாதக் கவிச்சோலை

2010-10-01T20:32:00.002+08:00

வரும் ஞாயிற்றுக்கிழமை அக்டோபர் 3ஆம் தேதி இரவு மணி 7.00க்கு பெக் கியோ சமூக மன்றத்தில் வழக்கம்போல் கவிச் சோலை நடைபெறும்.

முகவை இராம் "பிள்ளைத்தமிழ்" என்கிற தலைப்பில் உரையாற்றுகிறார்.
இம்மாதக் கவிதைத் தலைப்பு "பகலில் தோன்றிய நிலவு".

கவிதையினை கீழ்காணும் முகவரிக்கு வரும் சனிக்கிழமைக்குள்ளாக (02-10-2010) அனுப்பிவைக்குமாறு அன்புடன் கேட்டுக்கொள்கிறோம்...

aavanna@yahoo.com, sathiyamozhi@yahoo.com

அனைவரும் வருக! அனுமதி இலவசம்!!

பட்டி மன்ற அழைப்பு

2010-09-08T19:58:00.007+08:00

அன்புடையீர், வணக்கம்,

பிடோக் சமூக மன்றத்தில் வரும் ஞாயிறு 12.09.2010 மாலை மணி 6.30ககு நடைபெறும் பட்டி மன்றத்திRகான அழைப்பு இதனுடன் இணைக்கப்பட்டுள்ளது. தங்கள் வருகையை
எதிர்பார்க்கிறோம்.

நன்றி.

அன்புடன்

நா. ஆண்டியப்பன்
தலைவர்
சிங்கப்பூர்த் தமிழ் எழுத்தாளர் கழகம்

செப்டெம்பர் மாதக் கவிச்சோலை

2010-09-02T07:05:00.005+08:00

வரும் ஞாயிற்றுக்கிழமை செப்டெம்பர் 5ஆம் தேதி இரவு மணி 7.00க்கு பெக் கியோ சமூக மன்றத்தில் வழக்கம்போல் கவிச் சோலை நடைபெறும்.

19 ஆண்டுகளாக "அணு" என்கிற அஞ்சல் அட்டை இதழை நடத்திவரும் சிவகங்கை எழுத்தாளர் என். முத்துக்கிருஷ்ணன் "சிற்றிதழ்கள் தமிழ் இலக்கியத்திற்கு எவ்வாறு பங்களிக்கின்றன" என்கிற தலைப்பில் உரையாற்றுகிறார்.

இம்மாதக் கவிதைத் தலைப்பு "மனம் ஒரு குரங்கு" என்பதாகும்.

அனைவரும் வருக! அனுமதி இலவசம்!!

பிரபஞ்சனின் சிறுகதைப் பயிலரங்கு

2010-08-28T05:29:00.004+08:00

வரும் 29.08.2010 ஞாயிற்றுக்கிழமை காலை மணி 10.00 முதல் 12.30 வரை விக்டோரியாசாலையில் உள்ள உமறுப் புலவர் தமிழ் மொழி நிலையத்தில் சிறுகதைப் பயிலரங்கு நடைபெறும்.

பயிலரங்கிற்குப் பிறகு மதிய உணவு வழங்கப்படும். கட்டணம் ஒருவருக்கு 20 வெள்ளி மட்டுமே. தனது படைப்புகளுக்குப் பல பரிசுகளையும் விருதுகளையும் வென்று தமிழகத்தின் சிறந்த எழுத்தாளர்களில் ஒருவராகப் பாராட்டுப் பெற்றுள்ள திரு பிரபஞ்சனின் இந்தச் சிறுகதைப் பயிலரங்கை வளர்ந்துவரும் சிங்கை எழுத்தாளர்கள் தவறவிட மாட்டார்கள் என நம்புகிறோம்.

பயிலரங்கில் பங்கேற்க 40 பேருக்கு மட்டுமே இடமுண்டு என்பதால் முதலில் வருவோருக்கு முதற் சலகை எனும் அடிப்படையில் பதிவு செய்யப்படும்.

பயிலரங்கில் பங்கேற்க விரும்புவோர் எழுத்தாளர் கழகத்தின் துணைச் செயலாளர் திரு. இராம. வயிரவன் (93860497) அல்லது பொருளாளர் திருமதி சித்ரா ரமேஷ் (97733186) ஆகியோருடன் தொடர்பு கொண்டு பதிவு செய்துகொள்ளும்படி கேட்டுக் கொள்ளப்படுகின்றனர்.

பயிலரங்கில் பங்கேற்போருக்கு எழுத்தாளர் பிரபஞ்சன் கையெழுத்திட்ட சான்றிதழ் வழங்கப்படும்।

விரைந்து பதிவு செய்க. யோசித்துத் தாமதப்படுத்திப் பின்னர் வருந்துவதில் பயனில்லை. இத்தகைய சிறந்த எழுத்தாளர்கள் நடத்தும் பயிலரங்கில் பங்கேற்கும் வாய்ப்பு அடிக்கடி கிடைக்காது.

அன்புடன்
நா. ஆண்டியப்பன்
தலைவர்
சிங்கப்பூர்த் தமிழ் எழுத்தாளர் கழகம்.

ஆனந்த பவன் மு.கு. இராமச்சந்திரா நினைவு புத்தகப் பரிசு நிகழ்ச்சி

2010-08-25T20:34:00.002+08:00

ஆனந்த பவன் மு.கு. இராமச்சந்திரா நினைவு புத்தகப் பரிசு நிகழ்ச்சி வரும் 28.8.2010 மாலை மணி 6.00க்கு
டெஸ்ஸன்ஸோன் சாலையில் உள்ள பொதுச் சேவை மன்றத்தில் (Civil Service Club-Near Khalsa Association) நடைபெறும்.

நாடாளுமன்ற துணை நாயகரும் தஞ்சோங் பகார் குழுத் தொகுதி
நாடாளுமன்ற உறுப்பினருமான குமாரி இந்திராணி ராஜா சிறப்பு விருந்தினராகக் கலந்து கொள்கிறார்.

பரிசுக்குரிய புத்தகத்தைத் தேர்ந்தெடுத்த மூன்று
நடுவர்களான எழுத்தாளர்கள் பிரபஞ்சன் (தமிழ் நாடு), மு. அன்புச்செல்வன் (மலேசியா), திரு. பொன் சுந்தராராசு (சிங்கப்பூர்) ஆகியோரும் அதில் பங்கேற்கிறார்கள்.

அனைவரும் வருக! அனுமதி இலவசம்!!

ஆனந்த பவன் மு.கு. இராமச்சந்திரா நினைவு புத்தகப் பரிசு நிகழ்ச்சி.

2010-08-08T13:24:00.002+08:00

ஆனந்த பவன் மு.கு. இராமச்சந்திரா நினைவு புத்தகப் பரிசு நிகழ்ச்சி வரும் 28.8.2010 மாலை மணி 6.00க்கு
டெஸ்ஸன்ஸோன் சாலையில் உள்ள பொதுச் சேவை மன்றத்தில் (Civil Service Club-Near Khalsa Association) நடைபெறும்.

நாடாளுமன்ற துணை நாயகரும் தஞ்சோங் பகார் குழுத் தொகுதி
நாடாளுமன்ற உறுப்பினருமான குமாரி இந்திராணி ராஜா சிறப்பு விருந்தினராகக் கலந்து கொள்கிறார்.

பரிசுக்குரிய புத்தகத்தைத் தேர்ந்தெடுத்த மூன்று
நடுவர்களான எழுத்தாளர்கள் பிரபஞ்சன் (தமிழ் நாடு), மு. அன்புச்செல்வன் (மலேசியா), திரு. பொன் சுந்தராராசு (சிங்கப்பூர்) ஆகியோரும் அதில் பங்கேற்கிறார்கள்.

அனைவரும் வருக! அனுமதி இலவசம்!!

ஆகஸ்ட் கவிச்சோலை!!!

2010-08-04T20:35:00.007+08:00

வரும் சனிக்கிழமை ஆகஸ்ட் 7ஆம் தேதி இரவு மணி 7.00க்கு பெக் கியோ சமூக மன்றத்தில் வழக்கம்போல் கவிச் சோலை நடைபெறும்.

செம்மொழி மாநாட்டைப் பற்றி சிங்கப்பூர்த் தமிழ் எழுத்தாளர் கழகத் தலைவர்
நா. ஆண்டியப்பன் உரையாற்றுகிறார்.

இம்மாதக் கவிதைத் தலைப்பு "மூன்றாம் உலகில் இருந்து முதலாம் உலகு வரை" என்பதாகும். சிங்கப்பூரின் வளர்ச்சியைப் பற்றிய கவிதைகளை அனுப்ப வேண்டும்.

அனைவரும் வருக! அனுமதி இலவசம்!!

பேராசிரியர் முனைவர் அய்க்கண் அவர்களுடன் கலந்துரையாடல்

2010-07-25T09:04:00.000+08:00

அன்புடையீர், வணக்கம்.

தமிழ் நாட்டின் சிறந்த எழுத்தாளர்களில் ஒருவரும் திருப்பத்தூர் ஆறுமுகம் பிள்ளை
சீதையம்மாள் கல்லூரித் தமிழ்த் துறையின் முன்னாள் தலைவருமான பேராசிரியர் முனைவர்
அய்க்கண் குறுகியகால வருகை மேற்கொண்டு சிங்கப்பூர் வந்துள்ளார்.

அவருடன் சிங்கப்பூர்த் தமிழ் எழுத்தாளர் கழகம் ஒரு கலந்துரையாடல் நிகழ்ச்சிக்கு
ஏற்பாடு செய்துள்ளது. வரும் திங்கட்கிழமை 26.07.2010 மாலை மணி 6.30க்கு விக்டோரியா
ஸ்ட்ரீட்டில் உள்ள உமறுப் புலவர் தமிழ் மொழி நிலையத்தில் சிற்றுண்டியுடன்
கலந்துரையாடல் நடைபெறும்.

தமிழக அரசு 16 சிறந்த சிறுகதைகளைத் தேர்ந்தெடுத்து ஆங்கிலம் உள்ளிட்ட 22 மொழிகளில்
மொழிபெயர்த்து வெளியிட்டுள்ளது. பேரறிஞர் அண்ணா, மூதறிஞர் ராஜாஜி, கலைஞர்
கருணாநிதி, புதுமைப்பித்தன், கு. அழகிரிசாமி, ஜெயகாந்தன், ஆர் சூடாமணி, சுஜாதா
முதலியோரின் கதைகளுடன் இவரது கதையும் அதில் இடம்பெற்றுள்ளது.

மலேசியாவில் 2005ல் உலகத தமிழ்மறை ஆராய்ச்சி மாநாடு நடைபெற்றபோது உலகத் தமிழ்
எழுத்தாளர்களிடையே நடைபெற்ற சிறுகதைப் போட்டியில் இவரது கதை முதல் பரிசு பெற்றது.

பாரிஸ் தமிழ்ச் சங்கம் 2007ல் பாரதியாரின் 125ஆம் ஆண்டு விழாவை ஒட்டி நடத்திய
அனைத்துலகச் சிறுகதைப் போட்டியில் முனைவர் அய்க்கண்ணின் சிறுகதை முதல் பரிசை
வென்றது.

உத்தரப் பிரதேச மாநில அரசு தமிழகம், கேரளம், ஆந்திரம், கர்நாடகம் ஆகிய நான்கு மாநில

எழுத்தாளரிடையே நடத்திய சிறுகதைப் போட்டியில் முதல் பரிசு பெற்றதும் இவரது கதைதான்.

அகில இந்திய வானொலி நிலையம் நடத்திய நாடகப் போட்டியில் முதல் பரிசு பெற்ற இவரது
நாடகம் 19 தேசிய மொழிகளில் மொழிபெயர்க்கப்பட்டு வானொலியில் ஒலிபரப்பப்பட்டது.

தமிழக அரசின் முதற் பரிசை இவரது படைப்புகள் மூன்று முறை வென்றுள்ளன.

தினமணி கதிர் வரலாற்று நாவல் போட்டி, கல்கியின் சிறுதைப் போட்டி, கலைமகள்,
அமுதசுரபி குறுநாவல் போட்டி ஆகியவற்றில் முதல் பரிசு பெற்றுள்ளார்.

சாகித்திய அகாடெமி தமிழில் வெளிவந்த சிறந்த 30 கதைகளைத் தேர்ந்தெடுத்து
வெளியிட்டது. அவற்றில் இவரது கதையும் அடங்கும்.

Institute of Asian Studies நிறுவனம் ஆங்கிலத்தில் வெளியிட்டுள்ள தமிழ் இலக்கியம்
பற்றிய கலைக் களஞ்சியத்தில் இவரைப் பற்றிய மதிப்பீட்டுக் கட்டுரை இடம்பெற்றுள்ளது.

தவத்திரு குன்றக்குடி அடிகளாரிடமிருந்து "நற்கதை நம்பி" எனும் விருதையும்,
ஸ்ரீஜெயேந்திரர் இலக்கியப் பரிசினையும் ராஜசர் அண்ணாமலை செட்டியார் பொற்கிழி
விருதையும் இந்தியப் பல்கலைக்கழகத் தமிழாசிரியர் மன்றமும் அழகப்பா பல்கலைக் கழகமும்

இணைந்து வழங்கிய "புதிய இலக்கியச் செல்வர்" பட்டத்தையும் மத்திய அமைச்சர் திரு. ப.
சிதம்பரம் அளித்த "எழுத்து வேந்தர்" எனும் பட்டத்தையும் வி.ஜி.பி. இலக்கியப்
பரிசினையும் இவர் வென்றுள்ளார்.

இவரது கதைகள் ஆங்கிலம், இந்தி, வங்காளி, மலையாளம், கன்னடம், தெலுங்கு, ஒரியா முதலிய

மொழிகளில் மொழிபெயர்க்கப்பட்டுள்ளன.

இவருடைய புத்தகங்கள் சென்னை, மதுரை, கோவை, திருச்சி பல்கலைக் கழகங்களிலும்,
தன்னாட்சிக் கல்லூரிகளிலும் சிங்கப்பூர்ப் பள்ளிகளிலும் பாட நூல்களாக
வைக்கப்பெற்றுள்ளன.

தமிழக அரசின் பிளஸ்_டூ வகுப்புத் துணைப்பாட நூலில் இவருடைய கதைகள் பாடமாகச்
சேர்க்கப்பெற்றுள்ளன.

பல்கலைக்கழக மாணவர்கள் இவரது படைப்புகளை M.Phil, Ph.D. பட்டங்களுக்கு ஆய்வு
செய்துள்ளனர்.

சுமார் 1,000 சிறுகதைகள், நாவல்கள், நாடகங்களை எழுதியுள்ள இவரது படைப்புகள் 71
நூல்களாக வெளிவந்துள்ளன.

இத்தகைய சிறப்பு வாய்ந்த ஒருவரைச் சந்திக்கும் வாய்ப்பை நழுவவிடலாமா?

வரும் திங்கட்கிழமை மாலை உமறுப் புலவர் தமிழ் மொழி நிலையத்தில் சந்திப்போம்.

நன்றி.

அன்புடன்
நா. ஆண்டியப்பன்

கவிச்சோலையில் முனைவர் மா.தியாகராசன்

2010-07-01T18:54:00.003+08:00

சிங்கப்பூர்த் தமிழ் எழுத்தாளர் கழகமும் பெக் கியோ சமூக மன்ற இந்திய நற்பணிச் செயற்குழுவும் இணைந்து நடத்தும் இம்மாதக் கவிச்சோலை சூலை 3, 2010 சனிக்கிழமை இரவு மணி 7.00க்கு பெக் கியோ சமூக மன்றத்தில் நடைபெறும்.

கவிச்சோலையில் முனைவர் மா.தியாகராசன் அவர்கள் “பேரறிஞர் அண்ணாவின் சிறுகதையில் மொழிநடை” என்கிற தலைப்பில் சிறப்புரை ஆற்றுகிறார்.

இம்மாதக் கவிதைப் போட்டிக்கான தலைப்பு "பயணங்கள் முடிவதில்லை". சிறந்த மூன்று கவிதைகளுக்குத் தலா முப்பது வெள்ளி ரொக்கப்பரிசும் உண்டு. அனைவரும் வருக! அனுமதி இலவசம்.

வழக்கம் போல் "படித்தது, பிடித்தது, ரசித்தது" அங்கம் இடம்பெறும்.
கவிதை ஆர்வலர்கள் அனைவரும் நிகழ்ச்சியில் பங்கேற்றுச் சிறப்பிக்க அழைக்கப்படுகிறார்கள்.

கவிச்சோலை -101

2010-03-04T22:10:00.001+08:00

சிங்கப்பூர்த் தமிழ் எழுத்தாளர் கழகமும் பெக் கியோ சமூக மன்ற இந்திய நற்பணிச் செயற்குழுவும் இணைந்து நடத்தும் 101வது கவிச்சோலை வரும் 7,3,2010 ஞாயிற்றுக்கிழமை இரவு மணி 7.00க்கு பெக் கியோ சமூக மன்றத்தில் நடைபெறும். ஐக்கிய நாட்டு நிறுவனம் மார்ச் 8ஆம் தேதியை அனைத்துலக மகளிர் தினமாக அறிவித்துக் கொண்டாடி வருவதை முன்னிட்டு இம்மாதக் கவிதைப் போட்டிக்கான தலைப்பு "பெண்ணின்
பெருமை" என்று அறிவிக்கப்பட்டுள்ளது.
புதுக்கோட்டைப் புலவர் அரங்க நெடுமாறன் அவர்கள் "பெண்பாற் புலவர்கள்" குறித்து சிறப்புரை ஆற்றுவார்.
வழக்கம் போல் "படித்தது, பிடித்தது, ரசித்தது" அங்கம் இடம்பெறும்.
கவிதை ஆர்வலர்கள் அனைவரும் நிகழ்ச்சியில் பங்கேற்றுச் சிறப்பிக்க அழைக்கப்படுகிறார்கள்.
வாருங்கள் தோழர்களே கவிதை வாசிப்போம்! கவிதையை நேசிப்போம்!! கவிதையை சுவாசிப்போம்!!!

அன்புடன்
நா. ஆண்டியப்பன்

இன்று 100வது கவிச்சோலை

2010-02-07T01:21:00.003+08:00

சொக்கட்டான் - கவிதை

2010-01-01T15:41:00.002+08:00

சொக்கட்டான் - கவிதை
சொற்களை தாயமாக்கிவிட்டாய்
குரலிழந்த நான்
என் பங்கு நியாயத்தை
இறக்கமுடியாமல்
போனேன்
பழமெடுத்து
உன்
வெற்றியைப்
பறையறைகிறாய்
இதற்கு
என்னை
அழைத்திருக்கவே
வேண்டாம்
நீ மட்டுமே
நாள் முழுதும்
விருத்தம் எடுக்க

- மாதங்கி

நாளை சனிக்கிழமை சனவரி 2ஆம் தேதி மாலை 7 மணியளவில் இம்மாதக் கவிச்சோலை மலருகிறது

2010-01-01T12:43:00.003+08:00

அனைவருக்கும் இனிய புத்தாண்டு வாழ்த்துக்கள்!!

மதுரை மாவட்ட உதவி ஆட்சியாளராக இருந்து ஓய்வு பெற்றவரும் சிறந்த ஆன்மீகப் பற்றாளருமான திரு.கோட்டீஸ்வரன் அவர்கள் ‘தமிழும் திருவாசகமும்’ என்கிற தலைப்பில் சிறப்புரை ஆற்றுகிறார்.

இம்மாதக் கவிதைப்போட்டிக்கான தலைப்பு "மொழியால் இணைவோம்"

சிங்கப்பூர்க் கவிஞர் திரு। முருகடியான் அவர்களின் இலக்கண வகுப்பும் நடைபெறும்।

இடம்: பெக் கியோ சமூக மன்றம் 97 கேம்பிரிட்ஜ் சாலை (ஓவன் சாலையிலிருந்து பிரிகிறது), சிங்கப்பூர் 219751

அனைவரும் வருக !! அனுமதி இலவசம்!!!

அன்புடன்

சிங்கப்பூர்த் தமிழ் எழுத்தாளர் கழகம்

நாளை கவிச்சோலையில் பூக்கள் புயலாகின்றன!

2009-11-14T10:23:00.001+08:00

அனைவரையும் அன்போடு அழைக்கிறது சிங்கப்பூர்த்தமிழ் எழுத்தாளர் கழகம்!

வரும் ஞாயிற்றுக்கிழமை நவம்பர் 15 ஆம் தேதி மாலை 7 மணியளவில் இம்மாதக் கவிச்சோலை மலருகிறது

2009-11-12T12:40:00.003+08:00

சமீபத்தில் சிங்கப்பூர்த் தமிழ் எழுத்தாளர் கழகத்தின் கண்ணதாசன் விழாவில் (2009) கவிதாஞ்சலி படைத்து அனைவரது கவனத்தையும் கவர்ந்த கவிஞர் திரு.மா.கண்ணப்பன் அவர்கள் ‘உன் பேர் என்ன?’ என்கிற தலைப்பில் சிறப்புரை ஆற்றுகிறார்.

இம்மாதக் கவிதைப்போட்டிக்கான தலைப்பு "புயலான பூ"

சிங்கப்பூர்க் கவிஞர் திரு. முருகடியான் அவர்களின் இலக்கண வகுப்பும் நடைபெறும்.

வரும் ஞாயிற்றுக்கிழமை நவம்பர் 15 ஆம் தேதி மாலை 7 மணியளவில் இம்மாதக் கவிச்சோலை மலருகிறது

இடம்: பெக் கியோ சமூக மன்றம் 97 கேம்பிரிட்ஜ் சாலை (ஓவன் சாலையிலிருந்து பிரிகிறது), சிங்கப்பூர் 219751।

நிகழ்வில் தங்கமுனை விருது பெற்றவர்களுக்குப் பாராட்டும் இடம்பெறும்.

அனைவரும் வருக. அனுமதி இலவசம்.
அன்புடன்

ஆசிரியரும் மாணவரும் கலக்கிய கண்ணதாசன் விழா - 09)

2009-10-29T18:29:00.007+08:00

அனைத்து அங்கங்களும் கைதட்டல் பெற்றன. ஐநூறு பேருக்குக் குறையாத கூட்டம், ஒவ்வொரு அம்சத்தையும் உன்னிப்பாய்க் கவனித்துக் கைதட்டி இரசித்து மகிழ்ந்தது.

வசந்தி ராமச்சந்திரனின் இனிமையான தமிழ்வாழ்த்தோடு கூட்டம் ஆரம்பம் ஆகியது. கண்ணதாசன் பாடலுக்கு ஆடிய மெத்தடிஸ் பெண்கள் உயர்நிலைப் பள்ளி மாணவியரின் நடனம் மனம் கவர்ந்தது.

கல்லெல்லாம் மாணிக்கக் கல்லாகுமா ….பாட்டெல்லாம் கண்ணதாசன் பாட்டாகுமா?
கண்ணதாசன் பாட்டுத்திறன் போட்டியில் பங்கு பெற்ற ஒன்பது பேரும் இனிமையாய்ப் பாடினார்கள். மேடையில் அவர்களின் படைப்புத்திறனையும், கண்ணதாசனனின் பாடல் வரிகளையும் கூட்டம் வெகுவாய் ரசித்து மலரும் நினைவுகளில் மூழ்கிப் பரவசமடைந்தது.

கவிதாஞ்சலியில் கோவிந்தராசு தன் அழகான கவிதை வரிகளால் அரங்கத்தைக் கலகலப்பாக்கித் தயார் நிலைக்குக் கொண்டு வந்தார். கவிஞர் தண்ணீரில் மூழ்கியதால் தமிழ் கரையேறியது என்றார். தொடர்ந்து முனைவர் இரத்தின வேங்கடேசன் மயக்கும் கவிகொண்டு கூட்டத்தை மயக்கநிலையில் தக்க வைத்தார்.

அடுத்து வந்தார் ஆசிரியர் மா. கண்ணப்பன். ஆரம்பமே அருமை. ‘கவிதாஞ்சலியில் கவிபாட, என்ன செய்தால் கவிதை வரும் என்று நிலாப்பார்த்து, கண் பார்த்து, பெண்பார்த்து, பேனும் பார்த்து விட்டேன். தண்ணி போட்டும் பார்த்து விட்டேன். கவிதை வரவில்லை’‘என்றபோது அரங்கம் அதிர்ந்தது. எது கைக்கு வந்தாலும் ‘எதுகை’ எனப்போடமாட்டார் கண்ணதாசனென்றார்.

அவர் தன் மாணவர் சுப. வீரபாண்டியனை ‘என்னிடம் படித்தும் எப்படி இப்படி உயர்ந்தாய்?’ என்று கேட்டபோது கூட்டத்தில் மிகப்பெரிய கரவொலியும் சிரிப்பும். அவர் தொடர்ந்து சிக்சரும், பவுண்டரியும் அடித்துக் கொண்டிருந்தார் அவருக்கான நேரம் முடிந்தும். மற்ற அங்கங்களுக்கு நேரம் ஆகிறதே என்கிற தவிப்பில் நெறியாளர் சுபா பின்னாலிருந்து நினைவுறுத்திக் கொண்டே இருந்தார். தலைவர் ஆண்டியப்பன் சீட்டில் எழுதியனுப்பினார். பலத்த கைதட்டலோடு கவிதாஞ்சலியை முடித்தார் கண்ணப்பன்.

கண்ணதாசனைப் பற்றிய ஓர் உண்மை
தலைமையுரையில் சிங்கப்பூர்த் தமிழ் எழுத்தாளர் கழகத்தின் தலைவர் திரு.ஆண்டியப்பன், கண்ணதாசனைப் பற்றிய ஓர் உண்மையைச் சொன்னார். தண்ணிபோடுவதால்தான் அவருக்குக் கவிதை வந்தது என்று பலரும் நினைத்துக் கொண்டிருப்பது சரியல்ல. அவர் கவிதை எழுதி விட்டுத்தான் தண்ணி போடுவார் என்றார்.

தவைவரின் இனிப்பான அறிவிப்பு
திரு.ஆண்டியப்பன், எழுத்தாளர்களின் படைப்புகளுக்கு இனி வரும் ஆண்டுகளில் சிறந்த நூலுக்கு (சிறுகதை, கவிதை, கட்டுரை எனச் சுழற்சி முறையில்) இரண்டாயிரம் வெள்ளி பரிசு, சமீபத்தில் மறைந்த கொடையாளர் ஆனந்தபவன் உரிமையாளர் மு. கு. இராமச்சந்திரா அவர்கள் பெயரால் வழங்கப்பட உள்ளது என்றார். அதற்கு திருமதி பானுமதி இராமச்சந்திரா அவர்களுக்கு நன்றி கூறிவிட்டுச் சுருக்கமாகத் தன் உரையை முடித்துக் கொண்டார் தலைவர் ஆண்டியப்பன்.

சிறப்பு விருந்தினர் சந்துருவும் சுருக்கமான தன் உரையில்
தனக்குப் பிடித்த தன்னை இன்றும் ஊக்கப்படுத்துகிற கண்ணதாசன் பாட்டு ‘அச்சம் என்பது மடமையடா..’ என்று சொல்லிவிட்டு, ஏட்டில் எழுதிக்கொண்டு வரவில்லை. என் இதயத்து உணர்வுகளைச் சொல்லுகிறேன் என்று கூறிய போது பலத்த கரவோசை.

கண்ணதாசனும் நானும்
தமிழ்நேசன் ஞாயிறுபதிப்பு ஆசிரியர் சந்திரகாந்தம் கண்ணதாசனோடு அவர் நினைவுகளைப் பகிர்ந்து கொண்டபோது ‘எல்லோருக்கும் ஒரு மதம் பிடிக்கும். ஆனால் எனக்குத் தாமதம் பிடிக்கும்’ என்று கண்ணதாசன் சொன்ன நயத்தைப் பாராட்டினார்.

மாணவர் சுப.வீரபாண்டியன்

சிறப்புரை ஆற்ற வந்த சுபவீயின் உரை ‘கண்ணதாசனும் தமிழும்’ என்கிற தலைப்பில் வித்தியாசமாக இருந்தது. அவர் இன்னும் வாழ்ந்திருந்தால் இன்னும் நிறையக் காவியங்கள் தமிழுக்குக் கிடைத்திருக்கும். ஈழமக்களுக்காக எழுத எண்ணியிருந்தார் கவிஞரென்றார். சுபவீயிடமிருந்து கவிஞரின் கவிதைகள் மடைதிறந்தாற்போல வந்து கொட்டியது. ஆங்காங்கே நகைச்சுவையோடும் நயத்தோடும் அமைந்த அவர் உரையைக் கூட்டம் வெகுவாய் ரசித்தது.

‘எளிமையான’ வரிகளில் கவிபாடி எல்லோரையும் கவர்ந்தவர் கண்ணதாசன். வார்த்தைகள் வந்து அருவிபோலக் கொட்டும். எளிமைதான் அவர் கவிதைகளின் ஆளுமை. அவர் சொன்னதையே அவரே மாற்றிக் கொள்வார் என்றும் அவரின் இயல்புகளைச் சொன்னார். ஆரம்பத்தில் நாத்திகர் பின்னாளில் ஆத்திகர். தனித்தமிழை ஆதரித்தவர் பின்னர் அதில் தனக்கு உடன்பாடில்லை என்றாலும் தமிழை அவர் ஒருபோதும் மறுத்தது இல்லை. கம்பனை, பாரதியை, கண்ணதாசனை ஒப்பிட்டுக்காட்டிய சுபவீ கண்ணதாசன் பெரியாரை அண்ணாவை காமராசரை பாராட்டியும் இருக்கிறார். அவர்களைத் தாக்கிப்பேசியும் இருக்கிறார் ஆனுலும் அவரின் தமிழுக்காக பொறுத்துக்கொண்டார்கள் என்றார். ‘அனுபமே கடவுள்’ எனும் கருத்துள்ள கவிஞரின் கவிதையை எடுத்தாண்டு பேசினார். யார் பணம் கேட்டாலும் எடுத்து கொடுப்பார். எண்ணிக் கொடுக்க மாட்டார் ‘கண்ணதாசன் மிகச் சிறந்த மனிதர்’ என்று நிறைவு செய்தார்.

சுபவீ சுமார் ஒருமணி நேரம் சிறப்புரை ஆற்றி முடித்த போது கூட்டம் எழுந்து நின்று கரவொலி எழுப்பியது.

விழா நிறைவு
பொருளாளர் சித்ராவின் நன்றியோடும், பதிர்க்கேள்விக்கான பரிசளிப்போடும் விழா 9:50க்கு நிறைவை நாடியது.

சிங்கப்பூர்த் தமிழ் எழுத்தாளர் கழகத்தின் செயலாளர் சுபா.அருணாசலம் தனது அழுத்தமான, தொகுப்புரையில் ஆங்காங்கே நகைச்சுவை கலந்து கூட்டத்தைத் தொய்வு இல்லாமல் விறுவிறுப்பாகக் கொண்டு சென்றார்.

கண்ணதாசனையே பேசிக்கொண்டு, கண்ணதாசனையே பாடிக்கொண்டு, கண்ணதாசனையே நினைத்துக்கொண்டு கூட்டம் கலைந்து போனது. அவர் புகழ் இப்புவியில் இன்னும் பல்லாயிரம் ஆண்டுகள் நிலைத்திருக்கும். அவரை இவ்வுலகம் தமிழ் உள்ளமட்டும் நினைத்திருக்கும் என்பதில் ஐயமுண்டோ?

கவியரசு கண்ணதாசன் விழா

2009-10-23T23:17:00.005+08:00

சிங்கப்பூர் எழுத்தாளர் கழகம் நடத்தும்
கவியரசு கண்ணதாசன் விழா
தமிழ்ச் சுவை பருக வாருங்கள்
இடம் : Singapore Polytechnic Auditorium, at DOVER MRT Station.
இந்த ஞாயிறு (25/10/09) : மாலை 6.00 மணி முதல் இரவு 9:30 வரை

சிறப்பு பேச்சாளர் : முனைவர் சுப. வீரபாண்டியன் ( விஜய் தொலைக்காட்சியின் தமிழ் பேச்சு எங்கள் மூச்சு சிறுவர் நிகழ்ச்சி நடுவர்)
தலைப்பு: .கண்ணதாசனும் தமிழும்

மலேசிய எழுத்தாளர் திரு. ப. சந்திரகாந்தம். தலைப்பு: கண்ணதாசனும் நானும்
மற்றும் பாடல் போட்டி இறுதிச் சுற்று.

அனைவரும் வருக. அனுமதி இலவசம்.
அன்புடன்

நிழல் தேடும் மரங்கள்

2009-10-19T07:27:00.002+08:00

நிழல் தேடும் மரங்கள் (கவிச்சோலை அக்டோபர் - 11/10/2009 )நான் (இராம।வயிரவன்) வாசித்த கவிதை
==========================================
இங்கே கவிச்சோலையிலே
தன்னையே கொடுக்கும் தென்னை
வாழை, புளிமா என
பலா உள்பட பல மரங்களும் இருக்கின்றன
பழ மரங்களும் இருக்கின்றன

சுகமான
நிழல் தருகின்ற
இந்த மரங்கள்
கிளை விரித்து
வேர் பரப்பி
எதையோ தேடுகின்றன?
ஆம் நிழல் தேடுகின்றன!

ஆனால் அந்த நிழல்
கவிச்சோலைக்கு வராமல்
எங்கே வெயிலில் அலைந்து கொண்டிருக்கிறதோ?
எந்தப் பாலைவனத்தில் சுற்றித்திரிகிறதோ?
எந்தப் பாறையில் விழுந்து கிடக்கிறதோ?

வாருங்கள்!
நாம் எல்லாருமாய்ப் போய்
அடுத்த கவிச்சோலைக்காவது
அந்த நிழலை
அழைத்து வந்து விடுவோம்!

குறிப்பு (வேண்டுகோள்): கவிச்சோலைக் கவிஞர்களே உங்கள் கவிச்சோலைக் கவிதைகளை இங்கே பதிவு செய்யுமாறு கேட்டுக்கொள்கிறேன் - அன்புடன் இராமவயிரவன்.

கவிச்சோலையில் நந்தவனம் ஆசிரியர்

2009-10-10T13:37:00.003+08:00

"இனிய நந்தவனம்" மாத இதழின் ஆசிரியர் திரு த.சந்திரசேகரன் அவர்கள் 'கவிதையும் காரணமும்' என்ற தலைப்பில் சிறப்புரை ஆற்றுகிறார்.

இம்மாதக் கவிதைப்போட்டிக்கான தலைப்பு "நிழல் தேடும் மரங்கள்" நாளை ஞாயிற்றுக்கிழமை அக்டோபர் 11ஆம் தேதி மாலை 7 மணியளவில் இம்மாதக் கவிச்சோலை மலருகிறது.

இடம்: பெக் கியோ சமூக மன்றம் 97 கேம்பிரிட்ஜ் சாலை (ஓவன் சாலையிலிருந்து பிரிகிறது), சிங்கப்பூர் 219751.

கோம்பைக்குயில் சாமண்டிதாசு பேசுகிறார் இம்மாதக் கவிச்சோலையில்

2009-09-04T12:58:00.005+08:00

தமிழகத்தில் தேனிமாவட்டத்தின் கோம்பையைச் சேர்ந்த ஓய்வு பெற்ற தமிழாசிரியர், எழுத்தாளர் கோம்பைக்குயில் திரு.சாமண்டிதாசு அவர்கள் அறிஞர் அண்ணாவைப் பற்றி சிறப்புரை ஆற்றுகிறார்.
இவர் பத்து நூல்களை எழுதியுள்ளார் அவற்றுள் இரண்டிற்கு தமிழக அரசின் பரிசுகள் கிடைத்துள்ளன என்பது குறிப்பிடத்தக்கது.
சி.த.எ.கழகத்தின் தலைவர் திரு.நா.ஆண்டியப்பன் அவர்கள் அண்ணாவைப் பற்றி படவில்லைக் காட்சியைப் படைக்கவிருக்கிறார்.

இம்மாதக் கவிதைப்போட்டிக்கான தலைப்பு "காஞ்சித்தலைவன்"

வரும் சனிக்கிழமை செப்டம்பர் 5ஆம் தேதி மாலை 6 .३० மணியளவில் இம்மாதக் கவிச்சோலை மலருகிறது

இடம்: பெக் கியோ சமூக மன்றம் 97 கேம்பிரிட்ஜ் சாலை (ஓவன் சாலையிலிருந்து பிரிகிறது), சிங்கப்பூர் 219751.

"அமுதசுரபி" ஆசிரியருடன் கலந்துரையாடல்

2009-08-11T22:20:00.004+08:00

ஜோஸ்கோ பயண ஏற்பாட்டுக் கழகம், தங்கம் உணவு மாளிகை, சிங்கப்பூர்த் தமிழ் எழுத்தாளர் கழகம் ஆகியவை இணைந்து படைக்கும் கலந்துரையாடல்.

தமிழகத்தின் "அமுதசுரபி" இதழின் ஆசிரியர் திருப்பூர் திரு.கிருஷ்ணன் அவர்கள் பங்கேற்கிறார்.

இடம்: உமறுப் புலவர் தமிழ் மொழி நிலையம், (லாவெண்டர் MRT அருகில்)

நாள்:ஞாயிறு 16 ஆகஸ்ட் 2009 மாலை 6:மணி

ஞாயிறு நேசன் பொறுப்பாசிரியர் திரு.ப.சந்திரகாந்தம் அவர்களின் நாவல் "ஆளப் பிறந்த மருது மைந்தன் " நூல் அறிமுகமும் இடம்பெறும்.

அனைவரும் வருக!! அனுமதி இலவசம்!!!

தொடர்புக்கு: நா. ஆண்டியப்பன் - 97849105, சுப.அருணாசலம் - 93221138

அரிய தகவல்கள் தந்த "சிங்கப்பூர் வரலாறு"

2009-08-09T19:48:00.004+08:00

தேசியதினச் சிறப்புக் கவிச்சோலை சனிக்கிழமை (08.08.09) மாலை 7:15 மணியளவில் பெக் கியோ சமூக மன்றத்தில் ஆரம்பமாகியது.

இராம.வயிரவன் அனைவரையும் வரவேற்றமர்ந்ததும், சி.த.எ.க தலைவர் நா. ஆண்டியப்பன் "சிங்கப்பூர் வரலாறு" பற்றிய படவில்லைக் காட்சியினைப் படைத்தார். அந்தப் படைப்பு ஒரு மணி நேரத்திற்கும் மேலாக விரிந்து பல அரிய தகவல்களுடன் தேசியநாளுக்குப் பொருத்தமாக அமைந்தது.

சிறப்புச் செய்தல் அங்கத்தில் சி.த.எ.க வின் புரவலர்கள் தங்கம் உணவு மாளிகையின் உரிமையாளர் நாகை தங்கராசு அவர்கள் "தமிழ் வள்ளல்" பட்டம் பெற்றமைக்காகவும், மாதவி இலக்கிய மன்றத்தலைவர் தமிழ் நெஞ்சர் என்.ஆர்.கோவிந்தன் அவர்கள் "மதிப்புறு முனைவர்" பட்டம் பெற்றமைக்காகவும் சி.த.எ.கழகம் சிறப்புச் செய்வதாக செயலாளர் சுப.அருணாசலம் அறிவிக்க தலைவர் ஆண்டியப்பன் பொன்னாடை போர்த்திக் கௌரவித்தார்.

சிறப்புரை அங்கத்தில் மதுரை காமராசர் பல்கலையின் நாட்டுப்புற இயலின் முன்னாள் தலைவர் முனைவர் சரசுவதி வேணுகோபால் அவர்கள் "நாட்டுப்புற இலக்கியம்" பற்றிப் பேசுகையில் கிராமங்களில் பாடப்படுகிற பாடல்களின் பொதுவான தன்மைகளைக் கூறி அதன் அழகை, இயல்பாக அமைந்து விடுகிற எதுகை மோனை, எளிமை பற்றிக்கூறி பாடியும் காட்டினார்.

அடுத்து போட்டிக்கவிதை அங்கத்தில் "ஒருங்கிணைவோம் சிங்கப்பூர்" தலைப்பில் கவிஞர்கள் கவிதைகள் படைத்தனர். மூன்று கவிதைகள் தேர்வு செய்யப்பட்டு நூர்ஜகான் சுலைமான், ராஜூகலைவேந்தன், கோவிந்தராசு மூவருக்கும் பரிசுகள் (தலா 30 வெள்ளிகள்) வழங்கப்பட்டன.

செயலாளர் சுப.அருணாசலம் நன்றி கூற கவிச்சோலை இரவு 9:30 மணியளவில் இனிதே நிறைவடைந்தது.

போட்டிக் கவிதைத் தலைப்பு "ஒன்றிணைவோம் சிங்கப்பூர்"

2009-07-31T22:09:00.010+08:00

வரும் சனிக்கிழமை ஆகஸ்ட் 8ம் தேதி தேசிய நாள் சிறப்புக் கவிச்சோலையாக மலருகிறது.

இடம்: பெக் கியோ சமூக மன்றம் .97 கேம்பிரிட்ஜ் சாலை (ஓவன் சாலையிலிருந்து பிரிகிறது), சிங்கப்பூர் 219751.

பேராசிரியை முனைவர் சரஸ்வதி வேணுகோபால் அவர்கள் "நாட்டுப்புற இலக்கியம்" குறித்துப் பேசுவார்கள். சிங்கப்பூர்த் தமிழ் எழுத்தாளர் கழகத் தலைவர் திரு. நா.ஆண்டியப்பன் அவர்கள் சிங்கப்பூர் வரலாறு பற்றி ஒரு படவில்லைக் காட்சியைப் படைக்கிறார்கள். போட்டிக் கவிதைக்கான தலைப்பு "ஒன்றிணைவோம் சிங்கப்பூர்". நேரம் மாலை மணி 6.30

பெருங்கவிக்கோ வா. மு. சே. உடன் ஒரு கலந்துரையாடல்

2009-07-29T21:04:00.002+08:00

அன்புடையீர், வணக்கம்.தமிழகத்தின் முதுபெரும் கவிஞர் பெருங்கவிக்கோ வா.மு. சேதுராமன் அவர்களுடன் ஒரு கலந்துரையாடல் நிகழ்ச்சிக்கு ஏற்பாடு செய்யப்பட்டுள்ளது. வரும் வெள்ளிக்கிழமை 31.07.2009 மாலை மணி 6.00க்கு லிட்டில் இந்தியாவில் உள்ள பனானா லீப் அப்போலோவில் கலந்துரையாடல் நடைபெறும். மலேசியாவில் நடைபெறவிருக்கும் ஒரு மாநாடு குறித்து இங்குள்ள தமிழ் அன்பர்களுடன் அவர் கலந்துரையாட விரும்புகிறார். அதனால் தமிழ் ஆர்வலர்கள் அனைவரும் இந்தக் கலந்துரையாடல் நிகழ்ச்சியில் கலந்துகொள்ள வேண்டும் என அழைக்கிறோம். அனுமதி இலவசம்.!

அன்புடன்

நா. ஆண்டியப்பன்

தலைவர்சிங்கப்பூர்த் தமிழ் எழுத்தாளர் கழகம்

பிப்ரவரி 2009 - சிறப்புக் கவிச்சோலையும் நூல் அறிமுகமும்

2009-01-27T22:36:00.000+08:00

சிங்கப்பூர்த் தமிழ் எழுத்தாளர் கழகமும் பெக் கியோ சமூக மன்ற இந்திய நற்பணிச் செயற்குழுவும் மாதவி இலக்கிய மன்ற ஆதரவுடன் இணைந்து படைக்கும் சிறப்புக் கவிச்சோலையும் நூல் அறிமுகமும்.

சிறப்புரை: தமிழக அரசின் பாவேந்தர் பாரதிதாசன் விருது பெற்ற
புலவர் இளஞ்செழியன் (தலைவர், உலகத்தமிழ் ஒப்புரவாளர் பேரவை).

"இளஞ்செழியன் கவிதைகள்"

நூல் அறிமுகம்: நா.ஆண்டியப்பன் (தலைவர், சிங்கப்பூர்த் தமிழ் எழுத்தாளர் கழகம்).

நாள்: ஞாயிறு 01- பிப்ரவரி 2009 மாலை மணி 6:30.
இடம்: பெக் கியோ சமூக மன்றம், 97 கேம்பிரிட்ஜ் சாலை, சிங்கப்பூர் 219751
பாத்தென்றல் முருகடியான் அவர்களின் இலக்கண வகுப்பும், கவிதைப் போட்டியும் வழக்கம் போல நடைபெறும். கவிதைப் போட்டிக்குத் தலைப்பு: "நந்தவன நாட்கள்"
அனைவரும் வருக! தமிழ்த்தேன் பருக!